De conformidade co disposto polo artigo 59.4º da Lei 30/1992, do 26 do novembro, modificada pola Lei 4/1999, de réxime xurídico das administracións públicas e do procedemento administrativo común, intentada a notificación persoal no último domicilio coñecido do interesado sen que esta se puidese practicar, notifícaselle á empresa co último domicilio coñecido que se relaciona no anexo, mediante a publicación no Diario Oficial de Galicia e no taboleiro de edictos do Concello de Ferrol, a resolución dictada polo presidente de Portos de Galicia, no expediente de solicitude de concesión administrativa presentada por Aislamientos Sol y ABC, S.L., para a ocupación dunha parcela da zona de servicio do

porto de Burela con destino a depósito de materiais e ferramentas, e que na súa parte resolutiva dispón literalmente:

«RESOLVE:

Entender desistido da súa solicitude de concesión administrativa dunha parcela do porto de Burela destinada a depósito de materiais e ferramentas a Aislamientos Sol y ABC, S.L., declarando concluso o procedemento e decretando a incautación da fianza provisional depositada.

Contra esta resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados desde o día seguinte ó da notificación desta resolución.

Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro».

Para que conste e sirva de notificación, en cumprimento do disposto no artigo 59.4º da Lei 30/1992, do 26 do novembro, modificada pola Lei 4/1999, de réxime xurídico das administracións públicas e do procedemento administrativo común, expido, asino e selo esta cédula.

Santiago de Compostela, 23 de abril de 2002.

Ana Isabel Calzadilla Bouzón

Xefa da Área de Explotación e Planificación

ANEXO

Interesado: Aislamientos Sol y ABC, S.L.

Último enderezo coñecido: r/ Magdalena, 174-176 baixo, 15402 Ferrol (A Coruña).

Intento de notificación: 14-11-2001.