Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 921/2001 sobre salarios, nos que recaeu auto de aclaración de sentencia con data de que copiada nos particulares necesario di así:
Parte dispositiva: ha lugar á aclaración solicitada, e en consecuencia o seu dictame quedará do teor literal seguinte:
«Que estimando a demanda promovida por Ana Isabel García Añón contra a empresa Peruf Internacional, S.L. debo declarar e declaro improcedente o despedimento efectuado á demandante na data 3-11-2001 condenando á demandada a que no prazo de cinco días contado a partir da notificación desta resolución, opte entre a readmisión do traballador nas mesmas condicións que rexían antes de producirse o despedimento ou aboamento da cantidade de 216,95 euros (36.098 pesetas) en concepto de indemnización e o aboamento dos salarios deixados de percibir desde a data do despedimento e ata a notificación desta resolución a razón de 29,33 euros (4.880 pesetas) diarios.
Así, por esta miña sentencia, contra a que se poderá recorrer en suplicación ante a Sala do Social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de interpoñelo mediante comparecencia ou por escrito sendo indispensable que ó tempo de anuncialo o recorrente, se é empresario, exhiba perante este xulgado do social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría ó tempo de
interpoñe-lo recurso declarándose este desasistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
Así, por esta miña sentencia do que se unirá certificación os autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa expido e asino esta cédula na Coruña.
A secretaria xudicial
Rubricado
