A Comisión de Goberno, na sesión que tivo lugar o 9 de abril de 2002 aprobou, con carácter inicial, o proxecto de urbanización da unidade de actuación nº 35 do Plan Xeral Municipal de Ordenación Urbana, situada fronte á rúa do Doutor Loureiro Crespo, nº 8, con visado da delegación en Pontevedra do Colexio Oficial de Arquitectos de Galicia do 2-11-1999, que inclúe un anexo ó proxecto de urbanización, con visado colexial do 14-8-2001 e planos nº 1-1; 1-2; 1-3; de 2 a 18 e documentación complementaria 2, con data de visado colexial do 20-12-2001, documentación que anula e substitúe a súa correlativa anteriormente presentada, toda ela redactada polos arquitectos Ignacio e José A. Hermo Túñez, e promovido, mediante iniciativa particular, por Construcciones y Obras Veteris, Sociedad Limitada, que inclúe a urbanización da totalidade da vía de nova apertura denominado rúa Antón Fraguas, perpendicular ás rúas Joaquín Costa e Loureiro Crespo, dispoñéndose o seu sometemento a información

pública, tendo que estar definitivamente aprobado o proxecto de compensación da citada unidade, previo á aprobación definitiva do proxecto de urbanización.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio Municipal de Urbanismo, Medio Ambiente e Patrimonio Histórico (Fomento-rúa Churruchaos, nº 2) a documentación inicialmente aprobada, e formula-las alegacións que coide pertinentes.

Pontevedra, 19 de abril de 2002.

Julio Dapena Outomuro

Secretario xeral

P.D.

Xosé Cesáreo Mosquera Lorenzo

Tenente alcalde delegado de Urbanismo e Medio Ambiente