Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 48/2002 por instancia de Ana María Vizoso Hermida e outros contra Telecomunicaciones Servicios Avanzados Telefonía, S.L., sobre despedimento nos que recaeu sentencia con data 15-3-2002 que copiada nos particulares necesarios di así:
Decido que estimando a demanda promovida por Ana María Vizoso Hermida, José Manuel Tubio Pazos e Raúl Santiago Lema, contra Telecomunicaciones Servicios Avanzados Telefonía, S.L., debo declarar e declaro improcedente o despedimento efectuado os demandantes condenando á demandada a que no prazo de cinco días contados desde a notificación desta resolución opte entre a inmediata readmisión dos traballadores nas mesmas condicións que rexían antes de producirse o despedimento, co aboamento
das cantidades seguintes en concepto de indemnización a Ana Mª Vizoso, 1.487,61 euros (247.517 pesetas), a X. Manuel Tubio 2.044,24 euros (340.133 pesetas) e a Raúl Santiago, 498,33 euros (82.915 pesetas) e o aboamento dos salarios deixados de percibir desde la data do despedimento e ata a notificación desta resolución, a razón de 26,75 euros (4.451 pesetas) día a Ana Mª Vizoso, e 29,50 euros (4.909 pesetas) día a X. Manuel Tubio e a Raúl Santiago. Así, por esta miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncialo o recorrente, se é empresario, exhiba diante deste xulgado do social o xustificante acreditativo de haber depositado no Banco de Bilbao Vizcaya, oficina principal desta cidade, na conta corrente deste xulgado,
número 5.605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-lo recurso declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación á empresa Telecomunicaciones Servicios Avanzados Telefonía, S.L., expido e asino a presente cédula na Coruña, 2 de abril de 2002.
O secretario xudicial
Rubricado