DOG 83 do 30/04/2002 - RESOLUCIÓN do 12 de abril de 2002 pola que se publica a contratación da subministración de material eléctrico con destino á brigada de iluminación, para a súa reposición en instalacións municipais.

VI. ANUNCIOS

DA ADMINISTRACIÓN LOCAL

CONCELLO DE PONTEVEDRA

RESOLUCIÓN do 12 de abril de 2002 pola que se publica a contratación da subministración de material eléctrico con destino á brigada de iluminación, para a súa reposición en instalacións municipais.

1.Entidade adxudicadora: Concello de Pontevedra. a) Órgano de contratación: Comisión de Goberno. b) Dependencia que tramita o expediente: Servicio de Contratación.

2. Obxecto do contrato: subministración de material eléctrico con destino á brigada de iluminación, para a súa reposición en instalacións municipais. Prazo de entrega: tres días desde que sexa requirido polos servicios técnicos municipais.

3. Tramitación, procedemento e forma de adxudicación: ordinaria, aberto, concurso.

4. Orzamento de licitación: 49.771,77 euros, incluído todo xénero de gastos e IVE.

5. Garantías: a) Provisional: 955,44 euros. b) Definitiva: 4% do prezo do contrato.

6. Obtención de documentación e información: a) Lugar: Servicio de Contratación do Concello de Pontevedra. Praza de España, s/n, Pontevedra 36071. Teléfono: 986 80 43 00. Fax: 986 86 01 02. b) Data límite de obtención de documentos e información: vinteseis días naturais desde o día seguinte ó da publicación deste anuncio no Diario Oficial de Galicia.

7. Presentación das ofertas: a) Data límite de presentación: vinteseis días naturais contados desde o día seguinte ó da publicación deste anuncio no Diario Oficial de Galicia. b) Documentación que hai que presentar: cláusula 10ª do prego. c) Lugar de presentación: rexistro xeral do Concello de Pontevedra, de 8 a 13.30 horas. d) Prazo no que o licitador está obrigado a mante-la súa oferta: tres meses.

8. Apertura das ofertas: pola mesa de contratación ás 9 horas do luns seguinte hábil ó do remate do prazo sinalado para a presentación de ofertas.

9. Gastos: serán por conta do adxudicatario os seguintes gastos: a) Os de anuncios que xere o procedemento e os seus actos preparatorios. b) Os tributos estatais, autonómicos e municipais que deriven do contrato de subministración, incluído o IVE. c) Os de formalización do contrato de adxudicación en documento administrativo de conformidade coa ordenanza fiscal reguladora da taxa. d) Os de transporte e entrega da subministración.

Pontevedra, 12 de abril de 2002.

Julio Dapena Outomuro

Secretario xeral

Raimundo González Carballo

Tenente alcalde da Área