Aprobados por Decreto de Alcaldía, con data do 22 de abril de 2002, os pregos de cláusulas administrativas particulares e de prescricións técnicas que rexerán a contratación, mediante concurso, dos traballos de redacción do Plan Xeral de Ordenación Municipal de Oroso (A Coruña), expoñense ó público polo prazo de oito días naturais, para efectos de exame e reclamacións (que, de non presentarse, se entenderán definitivamente aprobados).

De conformidade co establecido no artigo 122.2º do Real decreto lexislativo 781/1986, do 18 de abril, anúnciase simultaneamente co prego de condicións a licitación, aínda que esta se aprazará no suposto de se produciren reclamacións contra os pregos, ata a súa resolución pola corporación.

1. Entidade adxudicadora.

Concello de Oroso (A Coruña).

2. Obxecto do contrato.

a) Descrición do obxecto: redacción do Plan Xeral de Ordenación Municipal de Oroso.

b) Prazo de execución: trece meses.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso de acordo cos pregos de cláusulas administrativas particulares e de prescricións técnicas aprobados por Decreto de Alcaldía, con data 22 de abril de 2002.

4. Orzamento de licitación.

O orzamento total previsto para o contrato é de 102.172,05 euros (IVE incluído).

5. Garantías.

Provisoria: 2% do tipo de licitación.

Definitiva: 4% do importe de adxudicación.

6. Obtención de documentación e información: Concello de Oroso. Praza do Concello s/n, 15884 Sigüeiro. Teléfono: 981 69 14 78, fax: 981 69 17 86.

7. Presentación de ofertas.

a) Data límite de presentación: o décimo quinto día natural seguinte ó da última publicación deste anuncio no BOP e no DOG.

b) Lugar de presentación: rexistro xeral do concello en horario de 9 a 14 horas, ou a través de calquera dos medios establecidos na Lei de réxime xurídico das administracións públicas e do procedemento administrativo común.

c) Documentación que hai que presentar: a sinalada no prego de claúsulas administrativas particulares.

8. Apertura de plicas.

Ás 19 (dezanove) horas do segundo día hábil seguinte o do remate do prazo de presentación de proposicións, terá lugar o acto público de apertura das proposicións económicas, constituíndose para estes efectos a mesa de contratación, que cualificará previamente os documentos presentados en tempo e forma. De coincidir en sábado a apertura, esta terá lugar o seguinte día hábil posterior.

9. Gastos de anuncios.

Por conta do adxudicatario.

Oroso, 23 de abril de 2002.

Manuel Mirás Franqueira

Alcalde-presidente