A Comisión de Goberno, en sesión de 9-4-2002 aprobou, con carácter inicial, o Proxecto de Urbanización da Unidade de Actuación nº 12 do Plan Xeral Municipal de Ordenación Urbana-San Amaro, visado pola delegación en Pontevedra do Colexio Oficial de Arquitectos de Galicia (COAG) en data 29-5-2001 e planos números 8, 16 e o de detalles eliminación de barreiras arquitectónicas e memoria
de seguridade e saúde, con data de visado colexial de 14-12-2001, anulando e substituíndo os seus correlativos anteriores, documentación toda ela redactada pola arquitecta Teresa Táboas Veleiro, promovido, mediante iniciativa particular, por Bernardo López Abadín, representado pola entidade mercantil Talcovi Promociones, S.L., dispoñéndose o seu sometemento á información pública.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico (rúa Churruchaos, nº 2, desta cidade) a documentación inicialmente aprobada, e formula-las alegacións que coide pertinentes.
Pontevedra, 19 de abril de 2002.
Xosé Cesáreo Mosquera Lorenzo
Tenente alcalde delegado da Área de Urbanismo
e Medio Ambiente
Julio Dapena Outomuro
Secretario xeral