De conformidade coa proposta elevada pola comisión constituída para xulga-lo concurso convocado por resolución desta universidade de 16 de abril de 2001 (BOE do 9 de maio) para a provisión da praza de profesora titular de universidade da área de coñecemento de anatomía e anatomía patolóxica comparadas (Lugo), do departamento de Anatomía e Producción Animal, a favor de Margarita Rico Gómez, tendo en conta que a interesada cumpre os requisitos a que alude o número 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Margarita Rico Gómez profesora titular de universidade da área de coñecemento de anatomía e anatomía patolóxica comparadas (Lugo), do departamento de Anatomía e Producción Animal, da Universidade de Santiago de Compostela.

Santiago de Compostela, 25 de marzo de 2002.

F. Darío Villanueva Prieto

Rector da Universidade de Santiago de Compostela