Na sesión do 4 de abril de 2002, o tribunal III-C designado pola Orde do 10 de decembro de 2001 para cualifica-lo proceso selectivo para o acceso á categoría 65 (oficial 1ª cociña//oficial 1ª cociñeiro/a//xefe/a de cociña 2ª//cociñeiro/a 1ª) do grupo III do persoal laboral fixo da Xunta de Galicia, convocado pola orde da Consellería da Presidencia e Administración Pública do 30 de xullo de 2001 (DOG nº 160, do 20 de agosto), de conformidade co disposto na base III.10 da convocatoria, acordou:

1. Que o primeiro exercicio para os aspirantes admitidos nas probas selectivas para o acceso á categoría 65 (oficial 1ª cociña//oficial 1ª cociñeiro/a//xefe/a de cociña 2ª//cociñeiro/a 1ª) do grupo III, se realizará o día 26 de abril de 2002, no Instituto de Ensino Secundario Compostela (antiga Escola Oficial de Hostalería), sito en Lamas de Abade, s/n, en Santiago de Compostela, en chamamento único.

A realización do exercicio comezará ás 17.30 horas e o chamamento para a entrada dos aspirantes no lugar da súa realización iniciarase ás 17 horas.

2. Os aspirantes deberán acudir provistos de DNI ou documento fidedigno acreditativo da súa identidade, a xuízo do tribunal, así como de lapis do nº 2 e goma de borrar (base II.2.3).

Santiago de Compostela, 4 de abril de 2002.

Xavier Mª Lope de Toledo Manzano

Presidente do tribunal