Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 376/2001 por instancia de Marcos Segade Muíño contra a empresa Sportif Centro de Salud, S.L. sobre despedimento, nos que recaeu sentencia en data 31-1-2002 que, copiada nos particulares necesarios, di así:
«Decido que, estimando a demanda promovida por Marcos Segade Muíño contra Sportif Centro de Salud, S.L., debo declarar e declaro improcedente o despedimento efectuado ó demandante condenando a demandada a que no prazo de cinco días contado desde a notificación desta resolución, opte entre a inmediata readmisión do traballador nas mesmas condicións que rexían antes de producirse o despedimento, co aboamento da cantidade de 760.806 pesetas (4.572,54 euros) en concepto de indemnización, e ó aboamento dos salarios deixados de percibir desde a data do despedimento ata a notificación desta resolución, que o día de hoxe ascenden á suma de 3.877.449 pesetas (23.303,94 euros).
Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contado desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba diante desde xulgado do social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Débese consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-
lo recurso declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación á empresa Sportif Centro de Salud, S.L., expido e asino esta cédula na Coruña, 14 de marzo de 2002.
A secretaria xudicial
Rubricado