O Pleno do Concello de Vigo, en sesión do día 25 de febreiro de 2002, adoptou o seguinte acordo:
«Primeiro.-Aproba-la rectificación do erro material e aritmético detectado na superficie do Plan parcial do PAU Cambeses, aprobado definitivamente o 2-3-1998, de conformidade co solicitado pola xunta de compensación e na memoria e planos asinados polo arquitecto J.A. Visier Gil, visados polo COAG o 18-1-2002 (expediente 3577/411).
Segundo.-Publicar este acordo no BOP e no DOG. Notificárlle-lo seu contido íntegro ós propietarios incluídos no ámbito do plan parcial, así como á CPTOPV da Xunta de Galicia, con indicación de que contra el cabe interpoñer recurso contencioso-administrativo, no prazo de dous meses, ante o Tribunal Superior de Xustiza de Galicia».
Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses, contados desde o día seguinte ó da publicación deste anuncio.
De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio e da publicación no taboleiro de edictos do concello, notifícaselle-lo acordo que nel se contén a tódolos propietarios que sexan descoñecidos, dos que se ignore o lugar da notificación ou ben, intentada esta non se puidese practicar.
Vigo, 8 de marzo de 2002.
Lois Pérez Castrillo
Alcalde-presidente da Xerencia Municipal
de Urbanismo