Por acordo do Pleno Municipal do 27 de marzo de 2002, acordouse proceder á contratación dos traballos de redacción do Plan Xeral de Ordenación Municipal de Toques, mediante concurso de consultoría e asistencia técnica con procedemento aberto, expoñendo ó público durante o prazo de 8 días os pregos de cláusulas económico-administrativas e técnicas que rexerán para a contratación do citado plan de ordenación municipal, simultáneamente anúnciase o concurso, que se aprazará no suposto de que se presenten reclamacións contra os pregos de cláusulas administrativas e técnicas.
1. Entidade adxudicataria: Concello de Toques.
2. Obxecto do contrato: redacción do Plan Xeral de Ordenación Municipal de Toques.
3. Tramitación, procedemento e forma de adxudicación.
Tramitación: urxente. Procedemento: aberto. Forma: concurso.
4. Orzamento de licitación: 64.258,72 euros.
5. Financiamento.
Subvención da Xunta de Galicia por importe de 44.981,11 euros, que se distribuirá nas seguintes anualidades:
ano 2002: 11.020,37 euros.
ano 2003: 13.269,43 euros.
ano 2004: 17.683,39 euros.
Achega municipal: 19.277,61 euros.
6. Garantías.
Provisional: 2 por 100 do orzamento de licitación.
Definitiva: 4 por 100 do importe de adxudicación.
7. Documentación e información.
No Concello de Toques de 9 a 14 horas, durante o prazo de presentación de solicitudes.
8. Pregos de cláusulas administrativas.
Formarán parte do contrato e da licitación o prego de cláusulas económico-administrativas, o prego de prescricións técnicas, o anexo ó prego de cláusulas administrativas particulares e as condicións particulares da resolución da concesión de subvención o concello, todas elas aprobadas polo Pleno Municipal o día 27 de marzo de 2002.
9. Presentación das ofertas.
O prazo de presentación de ofertas será de oito (8) días naturais contados desde o día seguinte á última data de publicación deste anuncio no BOP ou Diario Oficial de Galicia, debendo presentarse en tres sobres A, B, C, coa documentación esixida nas bases da convocatoria, e presentaranse na secretaría do concello ata as 13 horas do último día do prazo.
10. Apertura das ofertas.
No Concello de Toques, o segundo día hábil seguinte ó da finalización do prazo de presentación de plicas.
Toques, 27 de marzo de 2002.
Jesús Ares Vázquez
Alcalde