No BOP de Ourense nº 75 do 3 de abril, aparece publicado o texto íntegro da corrección de erros na ordenanza 3.7.8. do Plan Xeral de Ordenación Muni

cipal que foi aprobado definitivamente o 13 de maio de 2000. A dita corrección de erros afecta os datos que figuran nas táboas da referida ordenanza por terse detectado un erro na medición do sector sur-4 que non altera os límites grafiados no plan xeral.

O que se fai público para os efectos oportunos, facendo constar que contra este acordo, poderá interpoñerse ante o Pleno Municipal recurso potestativo de reposición no prazo dun mes contado desde o día seguinte ó da publicación no Diario Oficial de Galicia, ou directamente recurso contencioso-administrativo ante o xulgado do contencioso-administrativo de Ourense no prazo de dous meses, todo iso de conformidade co disposto nos artigos 116 e 117 da Lei 30/1992, do 26 de novembro de RXAP e PAC e 46 da Lei 29/1998, do 13 de xullo, reguladora da XCA.

Non poderá interpor este último de ter utilizado o primeiro e ata que fose resolto o antedito recurso de reposición na forma expresa ou presunta e sen prexuízo de que se poida exercitar, se é o caso, calquera outro recurso que se considere procedente.

O Pereiro de Aguiar, 5 de abril de 2002.

Eliseo Fernández Gómez

Alcalde