O Pleno do concello, en sesión do 1 de marzo de 2002, adoptou o acordo seguinte:

Primeiro.-Aprobar definitivamente a modificación puntual referida, proxecto de modificación das normas subsidiarias municipais, modificación da ocupación nos núcleos rurais.

Segundo.-Publicar este acordo no DOG e no BOP, incluíndo neste último o articulado das normas urbanísticas modificadas, de acordo co disposto no artigo 70.2º da Lei reguladora das bases do réxime local.

Terceiro.-Remitir á Consellería de Política Territorial, Obras Públicas e Vivenda copia do expediente administrativo e dous exemplares dilixenciados do documento aprobado, en cumprimento do disposto no artigo 48 da Lei 1/1997, do 24 de marzo, do solo de Galicia.

Contra o expresado acordo cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa última publicación (no BOP ou no DOG), se ben, previamente e con carácter potestativo, cabe interpoñer recurso de reposición ante o Pleno do concello no prazo dun mes. Neste caso,

contra a desestimación do recurso de reposición, o prazo para interpoñe-lo recurso contencioso-administrativo será de dous meses, contados a partir do día seguinte ó da notificación, ou de seis meses, contado a partir da desestimación presunta, que se entenderá producida polo transcurso dun mes desde a interposición da reposición.

As Pontes de García Rodríguez, 4 de marzo de 2002.

Víctor Guerreiro Pena

Alcalde