Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 217/2001, por instancia de José López Verdía contra o Instituto Nacional de Emprego e a empresa Macobe, S.A. sobre prestacións, nos que recaeu sentencia en data 28-2-2002 que, copiada nos particulares necesarios, di así:
Que estimando a demanda promovida por José López Verdía contra o Instituto Nacional de Emprego e contra a empresa Macobe, S.A., debo declarar e declaro que a base reguladora diaria da prestación de desemprego recoñecida ó demandante e de 4.944 pesetas (29,71 euros), condenando o demandado Instituto Nacional de Emprego a estar e pasar pola anterior declaración e ó aboamento da prestación na contía correspondente conforme a esta base reguladora. E á empresa codemandada a lle reintegrar á entidade xestora o importe da prestación recoñecida de conformidade co declarado anteriormente.
Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Macobe, S.A., expido e asino esta cédula na Coruña o 11 de marzo de 2002.
Secretaria xudicial
Rubricado