De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ó interesado que a seguir se relaciona o acordo de iniciación do procedemento sancionador en materia de turismo, por infracción administrativa da Lei 9/1997, do 21 de agosto, de ordenación e promoción do turismo en Galicia, expediente número LU-1/2002, incoado ó titular do establecemento de restaurante denominado O Camiño, situado na rúa de Calvo Sotelo nº 211 do concello de Sarria (Lugo), xa que intentada a notificación polos medios habituais non puido practicarse.
Noméase instructor do procedemento a Marco Antonio Fernández Piñeiro e secretario a Francisco López Castro, funcionarios desta delegación provincial, sendo o seu réxime de recusación o previsto nos artigos 28 e 29 da Lei 30/1992.
Segundo o establecido no artigo 16.1º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ó da publicación desta notificación para achegar por escrito cantas alegacións, documentos ou informacións consideren convenientes e, se é o caso, propoñer proba concretando os medios de que pretenda valerse.
Conforme o establecido no artigo 13.2º do R.D. 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario poderá poñer fin ó expediente. Para efectualo deberá emprega-lo impreso normalizado que lle será facilitado nesta delegación
provincial, sita no edificio administrativo da Xunta de Galicia na Ronda da Muralla de Lugo.
O órgano competente para a resolución do procedemento é o delegado provincial desta consellería en Lugo, segundo, disposto no artigo 99.1º da Lei 9/1997.
O que se lle comunica de acordo coa normativa antes citada e co establecido no regulamento do procedemento para o exercicio da potestade sancionadora, aprobado polo R.D. 1398/1993, do 4 de agosto (BOE nº 189, do 9 de agosto).
Expediente: LU-1/2002.
Denunciado: Fernando Díaz Piñeiro.
Establecemento: restaurante O Camiño.
Enderezo: rúa Calvo Sotelo nº 211.
Localidade: Sarria.
Feitos denunciados: negativa a facilita-las follas de reclamacións.
Preceptos infrinxidos: artigo 16.10º da Lei 9/1997 e artigo 12 da Orde do 17 de marzo de 1965 pola que se regula a ordenación turística de restaurantes.
Tipificación da infracción: artigo 86.5º da Lei 9/1997.
Cualificación: leve.
Sanción: multa de 360,61 A.
Lugo, 6 de marzo de 2002.
Antonio Calvo Varela
Delegado provincial de Lugo