O Consello da Xerencia Municipal de Urbanismo, en sesión do 7 de marzo de 2002, adoptou, entre outros, o seguinte acordo:

Primeiro.-Aprobar definitivamente o proxecto de urbanización da U.E. V/F do PERI IV-05 travesía de Vigo-Aragón, promovido pola entidade mercantil Gestiones Urbanísticas y de Negocios, S.L. redactado polo equipo de arquitectos Castro y Alonso, C.B., visado polo COAG no 30-10-2001, 8-10-2001 e 21-6-2001 (expediente 4294/401).

Segundo.-Antes do inicio das obras e como condición suspensiva dos efectos do presente acordo de aprobación definitiva, o interesado deberá presentar un aval polo 100% do orzamento das obras, que ascende a 291.850,74 euros (48.559.878 pesetas), como garantía da súa execución.

Terceiro.-Deberase constituír unha entidade urbanística de conservación destinada ó mantemento dos novos espacios verdes cedidos ó concello. Os propietarios particulares resultarán obrigados á conservación do pavimento, superficie, placa de formigón e instalación baixo rasante das zonas sobre as que existe un dereito de uso de superficie en favor do concello.

Cuarto.-No momento inmediatamente anterior ó do inicio das obras efectuarase un replanteo delas en coordinación cos técnicos do departamento de Vías e Obras do Concello. Tamén debe comunicarse o inicio e finalización das obras ó departamento municipal de Servicios Electromecánicos, para a comprobación da rede de iluminación pública.

Quinto.-Publíquese este acordo no BOP e no DOG. Notifíquese ó departamento municipal de Vías e Obras, e ós interesados afectados, con indicación de que contra el cabe interpor, alternativamente, recurso de reposición ante esta Administración municipal no prazo máximo dun mes, ou recurso contencioso-administrativo perante o Tribunal Superior de Xustiza de Galicia no prazo de dous meses.

Contra o devandito acordo, que pon fin á vía administrativa, poderán interpoñerse os seguintes recursos:

a) Potestativo de reposición: ante o Consello da Xerencia Municipal de Urbanismo de Vigo no prazo dun mes a partir do día seguinte da publicación do presente anuncio.

b) Contencioso-administrativo ante o Tribunal Superior de Xustiza de Galicia no prazo de dous meses a contar desde o día seguinte da publicación deste anuncio.

De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 18 de marzo de 2002.

Lois Pérez Castrillo

Alcalde-presidente da Xerencia Municipal de Urbanismo