Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 775/2001 seguidos por instancia de Ramón Castro García e outro contra L Y R Procons, S.L. e outra sobre salarios, nos que recaeu sentencia en data 28-2-2002 que copiada nos particulares necesarios di así:

«Que estimando a demanda formulada por Ramón Castro García e Juan Ramón Castro García, contra a empresa L Y R Procons, S.L. condeno a esta a aboarlle a cantidade de 2.312,95 euros a Ramón Castro García e 1.925,29 euros a Juan Ramón Castro García, que lles debe en concepto de salarios.

Absolvendo da demanda a codemandada Estudios y Construcciones de Mera.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.

Prevense a empresa demandada de que para recorrer deberá acreditar ter ingresado na c/c de consignacións código 5604.0000.60 775-2002 de banco BBVA desta cidade denominada conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.

Así por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia a fin de que sirva de notificación en forma á empresa L Y R Procons, S.L. e Estudios y Construcciones de Mera, expido e asino a presente cédula na Coruña, 28 de febreiro de 2002.

O secretario xudicial

Rubricado