A Consellería de Medio Ambiente recibiu da Sala do Contencioso-Administrativo do Tribunal Superior de Xustiza de Galicia, sección primeira, providencia pola que se admite a trámite o recurso contencioso-administrativo número 01/0000246/02 IN, interposto por Frigoríficos del Noroeste, S.A. e Francisco Borja Otero Zulueta de Reales, contra a resolución da Subdirección Xeral de MAN, Caza e Pesca Fluvial, do 12 de xullo de 2001, sobre actuacións do Plan de ordenación de recursos naturais das illas atlánticas.
En consecuencia, esta dirección xeral acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento de tódalas persoas interesadas no procedemento e son emprazadas para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contados desde o seguinte ó da publicación desta resolución no Diario Oficial de Galicia.
Santiago de Compostela, 21 de marzo de 2002.
Francisco García-Bobadilla Prósper
Director xeral de Conservación da Natureza