Visto o expediente da revisión salarial do convenio colectivo da empresa Promotora Industrial Sadense,
S.A. (Proinsa) para o ano 2001, que tivo entrada nesta delegación provincial o día 5-2-2002, subscrito en representación da parte económica polo representante da empresa Proinsa, e, da parte social polo delegado de persoal da empresa o día 18-1-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no Libro Rexistro de Convenios Colectivos de Traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 7 de febreiro de 2002.
P.S. (Decreto 161/2000, do 29 de xuño)
Ana Lado Eiríz
Secretaria provincial da Coruña
Acta da reunión para a revisión do convenio colectivo Promotora Industrial Sadense, S.A. (Proinsa) (código 1503771).
En Sada o 18 de xaneiro de 2002, ás 11 horas, reúnense no domicilio social da empresa María Dolores Fernández Vázquez, maior de idade, con DNI nº 32752367, como representante da empresa Promotora Industrial Sadense, S.A. (Proinsa), con CIF A-15013667 e domicilio social na avda. do Porto, nº 38, 15160 Sada, A Coruña e Miguel Ángel Gómez Fernández, maior de idade, con DNI nº 10900102 como delegado de persoal dos traballadores.
Despois dun breve debate chégase ós seguintes acordos:
1. Aplica-la revisión salarial establecida no artigo 4 do convenio que consiste en axusta-los conceptos ó IPC real do ano 2001. Isto supón un incremento do 0,7%, resultante da diferencia do IPC real, 2,7% co previsto, que era do 2% e con efectos a partir do 1 de xaneiro de 2001.
Incorpórase a esta acta unha táboa que reflicte as variacións que se van aplicar.
2. Proseguir coa negociación do convenio colectivo aplicable para o ano 2002.
Sen máis asuntos que tratar, levántase a reunión ás 12 horas, asinando os presentes en proba de conformidade.
Mª Dolores Fernández Vázquez
Proinsa
Miguel Ángel Gómez Fernández
Delegado de persoal
Revisión salarial correspondente ó ano 2001 de Proinsa
Retribucións en pesetas.
Categoría Antigo (IPC previsto 2001) Novo (IPC real ano 2001)
Salario/mes Salario/ano Salario/mes Salario/ano
Peón 91.800 1.285.200 92.430 1.294.020
Oficial 2ª 102.000 1.428.000 102.700 1.437.800
Oficial 1ª 117.300 1.642.200 118.105 1.653.470
Conductor 117.300 1.642.200 118.105 1.653.470
Biólogo 117.300 1.642.200 118.105 1.653.470
Técnico 126.480 1.770.720 127.348 1.782.872
Técnico superior 142.800 1.999.200 143.780 2.012.920
Xefe de equipo 180.540 2.527.560 181.779 2.544.906
Retribucións en euros.
Categoría Antigo (IPC previsto 2001) Novo (IPC real ano 2001)
Salario/mes Salario/ano Salario/mes Salario/ano
Peón 551,73 7.724,21 555,52 7.777,22
Oficial 2ª 613,03 8.582,42 617,24 8.641,35
Oficial 1ª 704,99 9.869,82 709,83 9.937,55
Conductor 704,99 9.869,82 709,83 9.937,55
Biólogo 704,99 9.869,82 709,83 9.937,55
Técnico 760,16 10.642,24 765,38 10.715,28
Técnico superior 858,25 12.015,43 864,14 12.097,89
Xefe de equipo 1.085,07 15.190,94 1.092,51 15.295,19