Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Social, tramitados baixo o número 313/2001, por instancia de Mutual Cyclops contra José Ramón Vigo Barca e outros sobre accidente de traballo, dictouse a seguinte sentencia:
«Na cidade da Coruña, 26 de febreiro de 2002.
Jorge Hay Alba, maxistrado-xuíz do social número dous desta cidade, viu os presentes autos de xuízo número 313/2001, seguidos por instancia de Mutual Cyclops, representada e asistida pola letrada Blanca Fernández-Chao González-Dopeso, contra José Ramón Vigo Barca, que non compareceu en autos; a empresa Soumi Construcciones, S.L., que non compareceu en autos; o INSS, representado e asistido pola letrada Cristina López Cancio; e a TXSS, que non compareceu en autos, sendo o obxecto da reclamación, accidente de traballo.
Seguen feitos e fundamentos de dereito.
Decido que, estimando a demanda interposta por Mutual Cyclops Mutua de Accidentes de Traballo, debo declarar e declaro a responsabilidade directa da empresa Soumi Construcciones, S.L. no aboamento das correspondentes prestacións de IT e gastos médico-farmaceúticos que a demandante lle aboou a José Ramón Vigo Barca, condenando a tódolos codemandados a estar e pasar por tal declaración e condenando a empresa ó aboamento á mutua demandante de 5.130,75 euros (853.685 pesetas) e ó INSS e á TXSS de forma subsidiaria no caso de insolvencia da empresa.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia pronúncio, mándoo e asínoo.
E para que sirva de notificación á empresa Soumi Construcciones, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 26 de febreiro de 2002.
O secretario xudicial
Rubricado