Jaime Balado Yáñez, secretario xudicial do Xulgado do Social número dous da Coruña, dou fe e testemuño:

Nos autos seguidos perante este xulgado do social, tramitados baixo o nº 21/2001 contra Laura Martín Fernández sobre salarios, dictouse a seguinte sentencia:

«A Coruña, 24 de maio de 2001.

Jorge Hay Alba, maxistrado-xuíz do social número dous desta cidade, viu os presentes autos de xuízo nº 21/2001 seguidos por instancia de Concepción Castro Souto, maior de idade, asistida polo letrado Antonio Pousa Merens, contra Laura Martín Fernández, que non compareceu, sendo o obxecto da reclamación, salarios.

Seguen feitos e fundamentos xurídicos.

Decido que debo estimar e estimo a demanda interposta por Concepción Castro Souto contra a empresa Laura Martín Fernández, condenando a demandada a lle aboar á demandante a cantidade de 1.955,21 euros (347.912 pesetas) polos conceptos reclamados na demanda.

Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade de 150,25 euros (25.000 pesetas) na conta de depósitos e consignacións que este xulgado ten aberta no BBV desta cidade, co número de conta 5603, clave 65, facendo constar no ingreso o número do expediente.

Así, por esta miña sentencia, definitivamente xulgando en primeira instancia pronúncioo, mándoo e asínoo».

E para que lle sirva de notificación a Laura Martín Fernández mediante a súa publicación no Diario Oficial de Galicia (DOG), que ten o seu enderezo descoñecido, expido e asino esta cédula na Coruña o 26 de febreiro de 2002.

O secretario xudicial

Rubricado