O Consello da Xerencia Municipal de Urbanismo, en sesión do 7 de marzo de 2002 adoptou, entre outros, o seguinte acordo:

Primeiro.-Aprobar inicialmente o proxecto de reparcelación do Parque Tecnolóxico e Loxístico de Vigo (Valadares), presentado polo Consorcio da Zona Franca de Vigo, con planos asinados polo arquitecto Arturo Conde Aldemira (expediente 4292/401).

Segundo.-Someter este expediente ó trámite de información pública, polo prazo de vinte días hábiles, mediante publicación do anuncio no Diario Oficial de Galicia, e notificación ós propietarios do ámbito, nos termos regulados nos artigos 58 e 59 da Lei 30/1992, do 26 de novembro (LRXA-PAC).

Sométese o citado proxecto a exposición pública polo prazo de vinte días desde a publicación deste anuncio no Diario Oficial de Galicia, para que se presenten cantas alegacións ou documentos se consideren convenientes.

O expediente atópase á disposición do público na Oficina de Información da Xerencia Municipal de Urbanismo (planta baixa do edificio da xerencia).

Vigo, 18 de marzo de 2002.

Lois Pérez Castrillo

Alcalde-presidente da Xerencia Municipal de Urbanismo