Por resolución da Alcaldía do 7 de febreiro de 2002, acordouse aprobar inicialmente o Plan parcial correspondente ó sector SUR-1 do Plan Xeral de Ordenación Municipal, de iniciativa particular, promovido por Áridos Chan de Salgosa, S.L., que se somete a información pública polo prazo dun mes contado a partir do día seguinte ó da publicación deste anuncio no DOG. Durante este prazo os interesados poderán examina-lo seu contido e presenta-las alegacións que estimen convenientes.

Na mesma resolución acordouse a suspensión, por un ano, das licencias de parcelación de terreos, edificación, demolición e usos contrarios ós previstos na nova ordenación no ámbito territorial que comprende o plan. A suspensión extinguirase, en todo caso, coa aprobación definitiva do plan.

As Neves, 7 de febreiro de 2002.

Raúl Emilio Castro Rodríguez

Alcalde-presidente