Aprobado inicialmente pola Comisión de Goberno deste concello o prego de cláusulas administrativas particulares que rexerán na contratación dos traballos de redacción do Plan Xeral de Ordenación Municipal de Navia de Suarna, e elaboración da cartografía dixital do concello, ó que se lle xuntan como anexos dous e tres os pregos de prescricións técnicas que deben rexer na realización destes traballos, quedan expostos ó público polo prazo de oito días hábiles, contados desde o seguinte ó da publicación deste edicto no BOP de Lugo.

Ó mesmo tempo, de conformidade co permitido no artigo 122 do R.D. 781/1986, do 18 de abril, polo que se aproba o texto refundido das disposicións legais vixentes en materia de réxime local, publícase o anuncio de licitación, aínda que este quedará aprazado no caso de que se presenten reclamacións en contra do prego de condicións:

1. Entidade adxudicadora:

a) Organismo: Comisión de Goberno do Concello de Navia de Suarna.

b) Dependencia que tramita o expediente: Secretaría Xeral.

2. Obxecto do contrato:

a) Descrición do obxecto: redacción do Plan Xeral de Ordenación Municipal de Navia de Suarna e elaboración da cartografía dixital do concello.

b) Lugar de execución: Navia de Suarna.

c) Duración do contrato: dous (2) anos.

3. Tramitación: ordinaria. Procedemento: aberto. Forma: concurso.

4. Orzamento base de licitación: noventa e nove mil novecentos vintetrés con oitenta e cinco (99.923,85 euros) euros, IVE incluído, por redacción do Plan Xeral de Ordenación Municipal de Navia de Suarna, e cinco mil douscentos vinteoito con oitenta e un (5.228,81 euros) euros, IVE incluído, por elaboración da cartografía dixital do concello.

5. Garantía provisional: 2.103,05 euros.

6. Obtención de documentación e información:

Concello de Navia de Suarna. Praza de España, nº 1. Localidade: Navia de Suarna. Código postal: 27650. Teléfono: 982 36 51 66. Fax: 982 36 51 12. Data límite de obtención de documentación e información: ata o día de finalización do prazo de presentación de proposicións.

7. Requisitos específicos do contratista:

Clasificación: non se esixe. Outros requisitos: ver cláusulas 10 e 11 do prego de condicións.

8. Presentación de ofertas:

a) Data límite de presentación: 15 días naturais seguintes ó da publicación do anuncio no último dos boletíns (Diario Oficial de Galicia ou BOP de Lugo) en que apareza publicado. Se o último día fose sábado ou inhábil, o prazo rematará o primeiro día hábil seguinte.

b) Documentación que hai que presentar: cláusula 16ª do prego de condicións.

c) Lugar de presentación: Rexistro de Entrada do Concello de Navia de Suarna, das 9 ás 14 horas.

9. Apertura de ofertas:

Entidade: Concello de Navia de Suarna.

Domicilio: praza de España, nº 1.

Localidade: Navia de Suarna.

Data: 9º día natural seguinte a aquel no que remate o prazo de presentación de proposicións, ás 12 horas. Se o día de apertura coincide con sábado ou inhábil, a apertura terá lugar o primeiro día hábil seguinte.

10. Outras informacións: ver prego de cláusulas económico-administrativas.

11. Gastos dos anuncios: todos por conta do contratista.

Navia de Suarna, 15 de marzo de 2002.

Vicente Flores González

Alcalde