Pola Alcaldía Presidencia con data do 26 de marzo de 2002 dictouse a seguinte resolución:

1. Aprobar inicialmente o proxecto de expropiación redactado para a expropiación dos elementos existentes sobre as parcelas 6 e 7 do parcelario do expediente 6/02 de ocupación directa para a execución do Paseo Marítimo do Portiño-Monte de San Pedro.

2. Optar para a execución do citado proxecto polo procedemento de taxación conxunta.

3. Somete-lo citado proxecto ó trámite de información pública polo prazo dun mes mediante a inserción dos anuncios correspondentes na prensa e diarios oficiais e remitir notificacións persoais xuntado follas de xustiprezo e criterios de valoración a aqueles que neste momento aparezan como interesados no expediente para que durante o citado prazo os interesados poidan consulta-lo proxecto nas dependencias do Servicio de Urbanismo do Concello da Coruña sito na avda. da Mariña 18, de luns a venres entre as 12.30 e as 14 horas, así como presentar cantas alegacións teñan por conveniente na defensa dos seus dereitos.

O que se fai público para os efectos previstos no artigo 145.2º da Lei 1/1997, do 24 de marzo, do solo de Galicia, advertindo que o prazo dun mes sinalado no punto 3 do acordo comezará a contar desde o día seguinte ó da notificación persoal e no seu defecto a partir da publicación no Diario Oficial de Galicia. Así mesmo ponse de manifesto a conveniencia de presentar títulos de propiedade, certificación rexistral e demais documentos que xustifiquen a titularidade de parcelas e dereitos afectados.

A Coruña, 26 de marzo de 2002.

P.D.

Salvador Fernández Moreda

Concelleiro delegado de Urbanismo