Visto o expediente da revisión salarial para o ano 2002 do convenio colectivo da empresa Cafetería do Complexo Hospitalario Juan Canalejo (concesio

naria Serunión, S.A.), que tivo entrada nesta delegación provincial da Consellería de Xustiza, Interior e Relacións Laborais o día 18-2-2002, subscrito en representación da parte económica por Serunión, S.A. e da parte social polo delegado de persoal o día 4-2-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de Traballo, que consta nesta delegación provincial, e notificación ás representacións económica e social da comisión negociadora.

Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 26 de febreiro de 2002

Reyes Carabel Pedreira

Delegada provincial da Coruña

Convenio colectivo do persoal da Cafetería do Complexo Hospitalario Juan Canalejo

Asistentes:

Pola parte empresarial: Roberto Casal Ferreira.

Pola parte social: José Manuel Álvarez Rodríguez, José Ramón Grela (asesor-CC.OO.).

Na Coruña o 4 de febreiro de 2002, sendo as 11 horas, nos locais da empresa reúnense, dunha parte a representación empresarial de Serunión, S.A., concesionaria da Cafetería do Complexo Hospitalario Juan Canalejo, e doutra, a representación social indicada á marxe. Os reunidos constatan os seguintes extremos:

Primeiro.-Establece o artigo 5 do convenio colectivo do persoal da Cafetería do Complexo Hospitalario Juan Canalejo que, ó cumpri-la data do seu vencemento, o convenio prorrógase tacitamente de ano en ano, de non mediar denuncia por calquera das partes contratantes cun mes, como mínimo, de antelación á data da súa expiración. De prorrogarse pola tácita, tódolos conceptos económicos incrementaranse no IPC (índice de prezos ó consumo) establecido polo INE (Instituto Nacional de Estatística).

Segundo.-Ó non facer uso antes de decembro de 2001 (nin a parte empresarial nin a social) da denuncia prevista no artigo 5º deste convenio, débese prorrogar pola tácita e tódolos conceptos económicos incrementaranse no IPC establecido polo INE.

Terceiro.-Que o IPC constatado e o publicado polo INE polo período compredido desde o 1 de xaneiro de 2001 ó establecido o 31 de decembro de 2001 é do 2,7%.

Cuarto.-Que as táboas sobre as que hai que aplica-lo incremento do 2,7% son as do 2001 (anexo), as cales se atopan publicadas no DOG do 29 de maio de 2001.

En relación con todo o anterior, as partes acordan:

I. Incrementar as táboas salariais do 2001 cun 2,7%. Estas táboas son as que figuran no anexo desta acta.

II. A contía da compensación establecida no artigo 24 do convenio pasará a ser no ano 2001 de 6,79 euros (1.130 ptas.).

III. Autorizar a José Ramón Grela para que proceda a presentar esta acta e o seu anexo ante a autoridade laboral para proceder ós trámites de rexistro, depósito e publicación.

Sen máis asuntos que tratar, asínase esta acta de conformidade no lugar e data sinalados no encabezamento.

ANEXO

Táboas salariais 2002 (euros)

Táboas salariais 2002 (pesetas)