Vista a acta da revisión salarial para o ano 2000 e 2001 do convenio colectivo do sector de oficinas e despachos, con nº de código 3601005, que tivo entrada nesta delegación provincial o día 31 de xaneiro de 2002, subscrito pola comisión negociadora do convenio colectivo, en data do 15 de xaneiro. De conformidade co disposto nos artigos 6 e 13 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22

de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 7 de febreiro de 2002.

Antonio Coello Bufill

Delegado provincial de Pontevedra

Convenio colectivo do sector de oficinas e despachos da provincia de Pontevedra

14ª reunión.

Asistentes:

-CIG:

Chelo Lago Mariño.

Serafín Otero Fernández.

Arturo Bermúdez Ferreira.

Enrique Caride González.

CC.OO.:

Francisco Estévez Rodríguez.

Juana Eztébanez Cepedal.

Alberto Belerdas Tesan.

Representación empresarial:

Manuel Blázquez Pallares.

Manuel Suárez Vázquez.

Camilo Castro.

Secretario de actas:

José Manuel Oubel Villanueva.

En Vigo, nos locais da Confederación de Empresarios de Pontevedra, sendo as dezasete horas do día quince de xaneiro de dous mil dous, reúnese a comisión deliberadora do convenio colectivo do sector de oficinas e despachos da provincia de Pontevedra, para os efectos de proceder á sinatura das taboas salariais para 2000 e 2001.

Iniciada a sesión, procédese á lectura da acta da reunión anterior, a cal é aprobada e asinada polas partes.

A mesa negociadora acorda que para o pagamento dos atrasos derivados da aplicación das táboas anexas, se estableza un prazo de tres meses a partir da data de publicación das ditas táboas no BOP ou DOG.

Sendo de conformidade das partes as táboas salariais anexas, procédese á sinatura por parte de tódolos asistentes do convenio.

E non habendo máis asuntos que tratar, levántase a sesión sendo as 19 horas do día arriba indicado.

Táboas salariais