O Pleno do Concello de Vigo, en sesión do día 28 de xaneiro de 2002, adoptou o seguinte acordo:

Primeiro.-Desestimar, polas razóns expostas na parte expositiva deste acordo, a alegación formulada pola mercantil Seromar, S.A., no período de exposición ó público do expediente, á modificación puntual nº 18 do vixente PXOU de Vigo, sobre as zonas afectadas polo trazado do primeiro cinto de circunvalación, comprendidas entre a avda. de Europa e a avda. Atlántida.

Segundo.-Aprobar definitivamente a modificación puntual nº 18 do Plan Xeral de Ordenación Urbana de Vigo, nas zonas afectadas polo trazado do primeiro cinto de circunvalación, comprendidas entre a avda. de Europa e a avda. Atlántida (expediente 5580/411), conforme a documentación redactada polos servicios municipais de planeamento urbanístico, a memoria da cal ten data do 5 de outubro de 2000, e coa rectificación que se deriva do requirimento formulado polo conselleiro da CPTOPV, no seu informe preceptivo do 5 de novembro de 2001, consistente na ampliación da zona cualificada coa ordenanza 3.3 de zonas culturais e sociais de 2.232 m a 3.245 m, o que supón un incremento en 1.013 m de superficie respecto da cualificada con esta ordenanza no expediente aprobado inicialmente, e unha diminución

na mesma superficie da zona cualificada na memoria inicialmente aprobada como zona verde e libre.

Terceiro.-Procédase á publicación deste acordo de aprobación definitiva no DOG e no BOP, de acordo co artigo 48 da Lei 1/1997, do 24 de marzo, do solo de Galicia, así como ás comunicacións e traslados previstos no punto 3º do devandito artigo.

Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses, contados desde o día seguinte ó da publicación deste anuncio.

Así mesmo, este anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, dos que se ignore o lugar de notificación, ou intentada esta, se non puidese practicar.

Vigo, 8 de febreiro de 2002.

Lois Pérez Castrillo

Alcalde-presidente da Xerencia Municipal

de Urbanismo