O Consello da Xerencia Municipal de Urbanismo, en sesión do 1 de marzo de 2002, adoptou, entre outros, o seguinte acordo:

Primeiro.-Aprobar inicialmente o estudio de detalle para a ordenación de volumes no ámbito da parcela situada na rúa Ramón Nieto, 177 (expediente 7160/411) presentado pola entidade Avenida de Vigo, S.L., redactado polos arquitectos José Luis Pereiro Alonso e Borja Ramilo Méndez, e visado polo COAG con data do 2 e 9 de xaneiro de 2002.

Segundo.-Somete-lo expediente ó trámite de información pública durante o período dun mes, mediante anuncio que se publicará no Diario Oficial de Galicia e nun dos xornais de maior circulación da provincia, segundo o establecido no artigo 44.3º da Lei 1/1997, do 24 de marzo, do solo de Galicia.

Terceiro.-Proceder á notificación individual do presente acordo a tódolos interesados afectados por este ámbito de actuación ó abeiro do artigo 42.6º da Lei 1/1997, do 24 de marzo, do solo de Galicia.

O prazo de exposición ó público entenderase aberto desde a primeira publicación ata o remate do mes contados desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados, direc

tamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 12 de marzo de 2002.

Lois Pérez Castrillo

Alcalde-presidente da Xerencia Municipal

de Urbanismo