Por resolución da alcaldía, do 11 de febreiro de 2002, foi aprobado o prego de cláusulas administrativas e técnicas que rexerán no concurso, por procedemento aberto, das obras de estabilización do noiro na Cruz da Sangriña (reparación da estrada que rodea o campo de fútbol), o cal se expón ó público xunto co proxecto polo prazo de oito días, contados a partir do seguinte ó da inserción deste anuncio no BOP, para que poidan presentarse reclamacións.
Simultaneamente, anúnciase concurso, aínda que a licitación se aprazará, cando resulte necesario, no suposto de que se formulen alegacións contra o prego de condicións ou o proxecto.
1. Entidade adxudicadora.
Organismo: Pleno do Concello da Guarda.
2. Obxecto do contrato.
Descrición: estabilización do noiro na Cruz da Sangriña (reparación da estrada que rodea o campo de fútbol).
3. Tramitación, procedemento e forma.
Tramitación: ordinaria.
Procedemento: concurso en procedemento aberto.
Forma: concurso.
4. Orzamento base de licitación.
Orzamento base: 138.232,78 euros.
Criterios de selección para a adxudicación da obra: base décimo quinta do prego.
5. Garantías.
Provisional: 2% do orzamento base de licitación.
Definitiva: 4% do orzamento base de licitación.
6. Obtención de documentación e información.
Entidade: rexistro xeral do Concello da Guarda.
Domicilio: Praza do Reló.
Data límite para solicitar información: 26 días contados desde a súa publicación no DOG.
7. Presentación de ofertas.
Prazo: 26 días contados desde a súa publicación no DOG.
Documentación: cláusula 14ª do prego.
Lugar de presentación: rexistro xeral do Concello da Guarda.
8. Apertura de ofertas.
Entidade, domicilio e localidade: Concello da Guarda. Praza do Reló.
Data e hora: ás doce horas do terceiro día hábil seguinte a aquel no que finalice o prazo de presentación de ofertas, na sala de plenos do concello.
Gastos de anuncios:
Serán por conta do adxudicatario.
Na Guarda, 12 de febreiro de 2002.
José Luis Alonso Riego
Alcalde