Aprobados pola Comisión de Goberno, na sesión do 7 de febreiro de 2002, os pregos de cláusulas administrativas particulares e os pregos de prescricións técnicas que rexerán a contratación, mediante concurso, dos traballos de redacción do Plan Xeral de Ordenación Municipal de Cervo, expóñense ó público polo prazo de oito días naturais, para efectos de exame e reclamacións (que, de non presentarse, se entenderán definitivamente aprobados).

De conformidade co establecido no artigo 122.2º do Real decreto lei 781/1986, do 18 de abril, anúnciase simultaneamente co prego de condicións a licitación, aínda que esta se aprazará no suposto de se produciren reclamacións contra os pregos, ata a súa resolución pola corporación.

1. Entidade adxudicadora: Concello de Cervo.

2. Obxecto do contrato.

a) Obxecto do contrato: redacción do Plan Xeral de Ordenación Municipal de Cervo.

b) Prazo de execución: vintedous meses.

3. Procedemento e forma de adxudicación.

a) Procedemento: aberto.

b) Forma: concurso.

4. Orzamento de licitación: o orzamento total ascende á cantidade de 102.306,64 euros (17.022.393 pesetas, IVE incluido.

5. Garantías.

Provisional: 2.046,13 euros (340.448 pesetas).

Definitiva: 4% do importe de adxudicación.

6. Obtención de documentación e información: Concello de Cervo. Praza do Concello, 27891 Cervo. Teléfono: 982 55 77 77, fax: 982 55 77 29.

7. Presentación de ofertas.

a) Data límite de presentación: décimo quinto día natural seguinte ó da última publicación oficial. Se o último día do prazo fose inhábil, o prazo remataría o día seguinte hábil.

b) Documentación que hai que presentar.

As proposicións presentaranse en dous sobres cerrados.

Sobre A, subtitulado «Oferta económica e documentación complementaria», que deberá formularse conforme o modelo que figura no anexo I do prego.

Sobre B, subtitulado «Documentación», conterá a documentación sinalada na cláusula 12.2 do prego.

c) Lugar de presentación: na Secretaría do Concello de Cervo ou por calquera dos medios establecidos na Lei de réxime xurídico das administracións públicas e do procedemento administrativo común.

8. Apertura de plicas: no salón de sesións do Concello de Cervo, ás dezasete horas do segundo día hábil seguinte ó de remate do prazo de presentación de proposicións, agás o sábado.

9. Gastos de anuncios: serán por conta do adxudicatario tódolos gastos que por este motivo se devenguen.

Cervo, 11 de febreiro de 2002.

José Insua Pernas

Alcalde-presidente