Por resolución da alcaldía do 28-1-2002 amplíase o prazo de información pública dos traballos de avance do Plan Xeral de Ordenación Municipal deste concello, avance no que se contén a estratexia, directrices e obxectivos xerais do planeamento que servirán de base para a súa posterior redacción.

Xa que logo, por prazo de 30 días hábiles, contados a partir do día seguinte ó da publicación do presente anuncio no último dos diarios no que deba selo (DOG, Diario de Pontevedra e BOP), os particulares e entidades poderán presentar as suxestións que estimen oportunas e as propostas e solicitudes de convenios urbanísticos que entendan procedentes.

faise constar, que, neste novo período de información, inclúense novos planos nº 4.12 e 4.16, que substitúen os anteriores co mesmo número e dos que se deu cumprida conta ó pleno corporativo en sesión do 6-2-2001. As rectificacións refírense a:

-Plano nº 4.12: extensión do solo de núcleo rural na cuadrícula 3ª horizontal (contada de esquerda a dereito) e 2ª vertical (contada da abaixo a arriba). Zona do Valado.

-Plano nº 4.16: extensión do CM-1 (cemiterio de Bueu), nas cuadrículas 2ª e 3ª horizontal (contada de esquerda a dereita) e 2ª vertical (contada de abaixo a arriba). Cemiterio de Bueu.

Bueu, 7 de febreiro de 2002.

Tomás Barreiro Sotelo

Alcalde