De acordo co establecido nos artigos 2 e 3 do Decreto 441/1990, do 6 de setembro (dog do 24 de setembro de 1990) polo que se aproban as disposicións reguladoras específicas da acreditación de laboratorios de ensaio para o control de calidade da construcción, e a proposta da Dirección Técnica de Construccións e con informe favorable do servicio de calidade na edificación conforme establecen os artigos 12.h e 18.3.1.a) do Decreto 70/1997, do 14 de marzo (DOG 10 de abril), a Dirección Xeral do Instituto Galego da Vivenda e Solo resolveu:
Concede-la acreditación e a súa inscrición no rexistro de laboratorios de ensaios para o control de calidade da construcción a Estabiliza Servicios de Ingeniería del Terreno, S.L., con domicilio en Camiño do Castro, nº 2-1º, c.36340 Nigrán (Pontevedra), polo prazo e condicións a que se refire o artigo 4 do anexo do Decreto 441/1990, do 6 de setembro, na área de:
ST: Área de toma de muestras inalteradas, ensaios probas in situ de solos, co número 15071ST02.
O que se fai público para xeral coñecemento.
Santiago de Compostela, 12 de febreiro de 2002.
P.D. (Resolución 6-4-1995)
José Antonio Redondo López
Director Xeral do Instituto Galego
da Vivenda e Solo