Visto o informe do Servicio Provincial de Conservación da Natureza en relación cun accidente producido o pasado 7 de marzo no cruzamento da estrada Coristanco-Santa Comba co río Abelleira, afluente do Xallas, do que resultou unha vertedura de gasóleo con efectos directos sobre as poboacións piscícolas e o ecosistema fluvial.
Vista a proposta de veda formulada polo Servicio Provincial de Conservación da Natureza ante o inminente comezo da tempada hábil de pesca.
Esta dirección xeral, de conformidade co disposto no artigo 48 do Regulamento de ordenación da pesca
fluvial e dos ecosistemas acuáticos continentais (Decreto 130/1997, do 14 de maio),
RESOLVE:
Vedar para o exercicio da pesca os seguintes tramos dos ríos Xallas e Abelleira:
-Río Xallas: tramo comprendido entre a desembocadura do río Abelleira e a ponte de Brandomil.
-Río Abelleira: tramo comprendido entre Ponte Abelleira, cruzamento do río coa estrada CP-2904, e a desembocadura no río Xallas.
Santiago de Compostela, 12 de marzo de 2002.
Francisco García-Bobadilla Prósper
Director xeral de Conservación da Natureza