O Pleno da Corporación, en sesión que tivo lugar o vintecatro de novembro pasado, prestou aprobación definitiva o documento denominado de modificación puntual do plan xeral de ordenación urbana no ámbito do sector urbanizable B-2 da Parda «refundido», que abranxe o actual polígono B-2, parte do Pazo da Parda e da vía de nova apertura prolongación do sistema xeral que atravesa a unidade de actuación 14 do PXOU (entre as rúas A Estrada e Pintor Laxeiro -antes Pedra do Lagarto-) en execución do convenio urbanístico subscrito o 19-5-1999 pola Alcaldía e José Ramón Fernández Bugallal y Barrón, sendo o proxecto formulado por esta Administración municipal e redactado polo arquitecto xefe da Oficina Técnica Municipal de Planeamento e Xestión en data 28-9-2000 e plano 0-03 subscrito por este facultativo e incorporado ó seu informe do 25-10-2001, en cumprimento da observación formulada no informe favorable, de carácter preceptivo e vinculante, emitido o pasado 8-10-2001 polo conselleiro de

Política Territorial, Obras Públicas e Vivenda da Xunta de Galicia.

Así mesmo, dispúxose a publicación deste acordo no Diario Oficial de Galicia e a súa comunicación ás administracións públicas, entidades e persoas interesadas, con ofrecemento do réxime de recursos procedente, dispoñéndose tamén o seu traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado definitivamente, debidamente dilixenciados, dispoñéndose a publicación das normas e ordenanzas da modificación no BOP para logra-la súa eficacia e executividade, de acordo co establecido na Lei 39/1994, do 30 de decembro, pola que se modifica o artigo 70.2º da Lei 7/1985, reguladora das bases de réxime local, téndose que proceder ó cumprimento e execución das estipulacións do convenio urbanístico que foi subscrito o 19-5-1999, unha vez que entre en vigor a presente modificación puntual do instrumento urbanístico de ordenación integral do municipio.

Consonte o disposto no artigo 48.2º da Lei do solo de Galicia, no BOP nº 20, do 29-1-2002 publicouse o texto íntegro da normativa da modificación do planeamento aprobada, remitíndose copia do expediente á Consellería de Política Territorial, Obras Públicas e Vivenda, para os efectos establecidos no número 3 e 4 deste precepto.

O que se fai público para a súa executividade, significándose que contra este acto, que esgota a

vía administrativa, poderá interpoñer directamente quen se considere lexitimado o recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ó da publicación do texto íntegro da disposición impugnada, consonte o establecido nos artigos 10.1º 6 e 46.1º da Lei 29/1998, do 13 de xullo, regulamentadora da xurisdicción contencioso-administrativa.

Non obstante, tamén se poderá interpoñer calquera outro recurso que os interesados estimen procedente conforme dereito, significándolles que o artigo 107.3º da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, non admite a interposición de recursos en vía administrativa contra as disposicións administrativas de carácter xeral.

Pontevedra, 7 de febreiro de 2002.

P.D.

Xosé Cesáreo Mosquera Lorenzo

Tte. alcalde delegado da Área de Urbanismo

e Medio Ambiente

Julio Dapena Outomuro

Secretario xeral