A Comisión de Goberno, en sesión do día 28-2-2002, adoptou o seguinte acordo:

«Visto o escrito presentado por Carlos Abal Lourido, en representación de Mahía Inmobiliaria, S.L., relativo á solicitude de rectificación do erro material padecido na cabida do predio segregado do predio achegado nº 2 do reformado do proxecto de compensación do Baño, aprobado definitivamente pola Comisión Municipal de Goberno con data do 3-8-2001, rectificado por acordo da Comisión de Goberno do 3-12-2001.

Comprobado que na páxina catro do documento consta que o predio achegado nº 2 cunha superficie de 20.387 m, da que quedan incluídos no polígono 18.200,39 m, tal como consta na citada páxina 4, e no plano nº 01 do documento -predios afectados- resulta claro que o predio que se segrega e se exclúe do ámbito ten que ter unha superficie de 2.186,61 m, e non os 4.886,61 que figuran no documento por erro.

Á Comisión de Goberno, por unanimidade, acorda:

Primeiro.-Rectifica-lo erro material producido na cabida do predio segregado do predio achegado nº 2 do documento do reformado do proxecto de compensación do Baño, do polígono único do Plan parcial do Baño.

Segundo.-Facer constar que o erro material que se padeceu consistiu en que se fixo constar como superficie do predio segregado do predio achegado nº 2 do reformado do proxecto de compensación a de 4.886,61 m, cando a superficie correcta do predio segregado é a de 2.186,61 m».

Contra o acordo, que pon fin á vía administrativa, poderase interpor recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia. Así mesmo, os interesados poderán interpor calquera outro recurso que estimen pertinente.

Mugardos, 28 de febreiro de 2002.

Ramón Toimil Saavedra

Alcalde