Praza que se convoca: axente de aparcadoiro.
Os interesados deberán presenta-las solicitudes xunto coa fotocopia do DNI, currículum vitae e demais documentación que acredite os méritos alegados nas oficinas de TUSSA (directamente ou por correo), situadas na praza de Camilo Díaz Valiño, s/n, 15704 Santiago de Compostela, en horario de mañá, dentro do prazo de 15 días naturais contados a partir do seguinte ó da publicación deste anuncio, indicando en lugar visible a seguinte referencia: selección axente de aparcadoiro.
-Requisitos indispensables: estar en posesión do graduado escolar ou titulación equivalente, contar cunha experiencia mínima dun ano no sector de aparcadoiros e, ademais, estar en posesión do carné de conducir B1.
-Valorarase tamén o coñecemento da cidade, saber expresarse correctamente en castelán e en galego, e calquera outra achega que sexa de interese para o mellor desempeño do posto de traballo (cursos, idiomas...).
-Retribucións: as que se recollen no convenio colectivo do sector.
-Tipo de contrato: laboral indefinido.
-Procedemento de selección:
Fase de admisión:
Con carácter previo á realización das probas, o tribunal fará unha preselección tendo en conta a acreditación da posesión dos requisitos necesarios. As listas de admitidos estarán expostas nas oficinas de TUSSA. Ademais, notificaráselles persoalmente ós interesados.
Fase de selección:
1. Valoración do currículum vitae por parte da comisión de selección: ata 3 puntos.
2. Exercicio eliminatorio: consistirá nunha proba tipo test sobre aspectos técnicos de funcionamento dunha superficie de aparcadoiro e sobre aspectos xerais da cidade de Santiago de Compostela: ata 5 puntos, sendo necesario acadar un mínimo de 3 puntos.
3. Entrevista persoal: ata 2 puntos.
Santiago de Compostela, 6 de marzo de 2002.
Carlos González Lozano
Director xerente de TUSSA