O Consello da Xerencia Municipal de Urbanismo, en sesión do 31 de xaneiro de 2002, adoptou, entre outros, o seguinte acordo:
Primeiro.-Aprobar definitivamente o proxecto de urbanización do ámbito do Plan parcial Cambeses, redactado polo arquitecto Juan Ángel Visier Gil e visado polo COAG con datas do 17-12-2001, 26-6-2001, 4-5-2001 e 27-12-2000 (expediente 4269/401).
Segundo.-Desestima-las alegacións interpostas durante o trámite de información pública por Mª Ángeles Fernández García e Isabel Martínez Eiroa, polos motivos sinalados na parte expositiva deste acordo.
Tercero.-A eficación deste acordo queda condicionada suspensivamente á presentación nesta Administración municipal dunha fianza ou aval por importe de 815.473,83 euros (135.683.429 pesetas) equivalente ó 50% do orzamento da obra de urbanización, en garantía da súa correcta execución.
Cuarto.-No momento inmediatamente anterior ó do inicio das obras, efectuarase un replanteo delas en coordinación cos técnicos do departamento de Vías e Obras do concello. Tamén se lle debe comunica-lo inicio e finalización das obras ó departamento municipal de Servicios Electromecánicos, para a comprobación da rede de iluminación pública. Cando se solicite a recepción das obras, facilitarase o realmente executado en soporte informático.
Quinto.-Durante a execución das obras deberá dárselles cumprimento ás observacións formuladas polos enxeñeiros municipais dos departamentos de servicios electromecánicos e de parques-xardíns con datas respectivas do 31-1-2001 e 9-4-2001, citados na parte expositiva deste acordo.
Sexto.-Deberase constituír unha entidade urbanística de conservación, destinada ó mantemento dos novos espacios libres e verdes cedidos ó concello tal e como preceptúa o punto 3.2.3.5.b) in fine do vixente PXOU-93. Para tal fin, os predios resultantes do proxecto de compensación quedarán afectos na cota de participación correspondente, á carga real de conservación dos ditos especios libres e zonas verdes de nova creación.
Sétimo.-Publíquese este acordo no BOP e no DOG. Notifíqueselle-lo seu contido íntegro, individualizadamente, ós propietarios do ámbito na forma prevista nos artigos 58 e 59 da Lei 30/1992, do 26 de novembro (LRXA-PAC).
Contra o devandito acordo, que pon fín á vía administrativa, poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo, no prazo dun mes a partir do día seguinte ó da publación deste anuncio.
b) Contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anunio.
De conformidade co artigo 59 da Lei 30/1992, do 26 de novembro (LRXAP-PAC), por medio deste anuncio notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 7 de febreiro de 2002.
Lois Pérez Castrillo
Alcalde-presidente da Xerencia Municipal de Urbanismo
SOCIEDADE MUNICIPAL DE XESTIÓN DO TRANSPORTE URBANO DE
SANTIAGO DE COMPOSTELA, S.A.