O Consello da Xerencia Municipal de Urbanismo, en sesión do 24 de xaneiro de 2002, adoptou, entre outros, o seguinte acordo:
Primeiro.-Aprobar definitivamente o proxecto de urbanización do polígono C-SU-UA4-Canteira (Matamá), promovido pola entidade mercantil Camiño da Balsa, S.A. e redactado polo enxeñeiro de camiños Alberto Moreno García, visado polo Colexio de Enxeñeiros de Camiños, Canles e Portos, nº 27-6-2001, 10-5-2001 e 15-3-2001 (expediente 4282/401).
Segundo.-A eficacia do presente acordo queda condicionada suspensivamente á presentación nesta Administración municipal dunha fianza ou aval por
importe de 21.148.616 (127.105,74 euros) equivalente ó 100% do orzamento da obra.
Terceiro.-No momento inmediatamente anterior ó do inicio das obras efectuarase un replanteo delas en coordinación cos técnicos do departamento de vías e obras do concello. Tamén debe comunicarse o inicio e finalización das obras ó departamento municipal de servicios electromecánicos, para comprobación da rede de iluminación pública.
Cuarto.-Durante a execución das obras deberá darse cumprimento ás observacións formuladas polos enxeñeiros municipais dos departamentos de servicios electromecánicos e de parques-xardíns de datas respectivas 8-7-2001 e 19-6-2001, citdos na parte expositiva deste acordo.
Quinto.-Publica-lo presente acordo no BOP e no DOG, con notificación individualizada ós interesados, na forma legalmente prevista.
Contra o devandito acordo que pon fín á vía administrativa poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte da publicación do presente anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte da publicación deste anuncio.
De conformidade co artigo 59 da Lei 30/1992, de 26 de novembro, LRXAP-PAC, por medio do presente anuncio, notíficase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 2 de febreiro de 2002.
Lois Pérez Castrillo
Alcalde-presidente da Xerencia Municipal de Urbanismo