De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles á persoa que no anexo se menciona a resolución do dito expediente, por infracción á Lei 7/1992, do 24 de xullo, de pesca fluvial de Galicia.

Contra a dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, no prazo dun mes contado a partir do día seguinte ó desta publicación, poderá interpor recurso de alzada ante o conselleiro de Medio Ambiente (Decreto 482/1997, do 30 de decembro, DOG do 8-1-1998, polo que se establece a estructura orgánica da Consellería de Medio Ambiente). Transcorrido o prazo de interposición do recurso sen que este fose presentado, esta resolución será firme para tódolos efectos.

O importe da sanción, así como o da indemnización, farase efectivo: a) As publicadas entre os días 1 e 15 de cada mes, desde a data da publicación ata o día 5 do mes seguinte ou o inmediatamente hábil posterior. b) As publicacións entre os día 16 e último de cada mes, desde a data da publicación ata o día 20 do mes seguinte ou o inmediato hábil posterior. As débedas non satisfeitas nos períodos citados nos puntos anteriores esixiranse de cobro pola vía de constrinximento.

Para proceder ó aboamento da sanción, deberá utiliza-los impresos normalizados que lle serán facilitados nesta Delegación Provincial de Lugo, Ronda da Muralla, nº 70-2º baixo. Lugo.

Lugo, 29 de xaneiro de 2002.

Luis González Vázquez

Delegado provincial de Lugo

ANEXO

Expediente: P-98/2001.

Denunciado: José Manuel Salgado Lloves.

DNI: 34597360.

Enderezo: r/ Buenos Aires, nº 99-4º esquerda. Ourense.

Feito denunciado: practica-lo deporte da pesca fluvial en día inhábil (luns non festivo). Feitos constatados o día 25-6-2001, ás 11 h no encoro de Belesar-río Miño. Santo Estevo de Ribas de Miño-O Saviñao, Lugo.

Precepto sancionador: artigo 33.9º da Lei 7/1992, de pesca fluvial de Galicia.

Cualificación: leve.

Sanción: 60,10 euros.