De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la resolución do procedemento sancionador por infracción administrativa da Lei 7/1992, do 24 de xullo, de pesca fluvial, (DOG nº 151, do 5 de agosto), por non ser posible a súa notificación.
O importe da sanción farase efectivo en calquera entidade bancaria, na conta de recadación de multas e sancións da Xunta de Galicia nº 311-000-118/1
da Caixa de Aforros de Galicia, no prazo de quince días hábiles, contados a partir do día seguinte a aquel en que esta resolución sexa executiva. Para efectualo deberá emprega-lo impreso normalizado, que lles será facilitado nesta delegación provincial, sita no edificio administrativo de servicios múltiples, Monelos, A Coruña. Transcorrido o citado prazo procederase ó cobramento pola vía administrativa de constrinximento.
De conformidade co previsto no artigo 114 e concordantes da Lei 30/1992, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada perante o conselleiro de Medio Ambiente no prazo dun mes, contado igualmente, a partir do día seguinte ó de publicación desta notificación.
Transcorrido o prazo de interposición do recurso, sen que este se presente, esta resolución será executiva para tódolos efectos regulamentarios.
A Coruña, 1 de febreiro de 2002.
Higinio José Sánchez-Rodilla Fuentes
Delegado provincial da Coruña
ANEXO
Expediente: CO-P-0016.
Denunciado: Alfonso Limideiro Ogando.
DNI: 32396336-P.
Último domicilio coñecido: Ramón Aller, 42-4º D, A Coruña.
Feitos denunciados: pescar 7 troitas de tamaño inferior ó regulamentario sen devolvelas á auga.
Tipificación: artigo 33.9º da Lei 7/1992, de pesca fluvial e dos ecosistemas acuáticos continentais en relación co anexo IV do regulamento.
Cualificación: leve.
Sanción imposta: 60,10 A de multa e 42,07 A de indemnización.
Expediente: CO-P-0051.
Denunciado: Ignacio Rodeiro Hermida.
CIF: 32692148-V.
Último domicilio coñecido: avda. Algeciras, 49, Neda (A Coruña).
Feitos denunciados: pescar en época de veda.
Tipificación: artigo 34.8º da Lei 7/1992, de pesca fluvial, e dos ecosistemas acuáticos continentais en relación cos artigos 1, 2 e 3 da Orde do 15-2-2001.
Cualificación: menos grave.
Sanción imposta: 300,51 A de multa e un ano de inhabilitación para obte-la licencia de pesca.