De conformidade co disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e co fin de que no prazo dun mes os interesados lexítimos poidan examina-lo expediente e formula-las alegacións que estimen pertinentes, faise público que no correspondente servicio desta dirección xeral, sita na praza de Europa, 5 A-4º, polígono das Fontiñas, en Santiago de Compostela, tivo entrada a solicitude de creación do Colexio Oficial de Licenciados en Ciencia e Tecnoloxía dos Alimentos de Galicia, que tería os seguintes ámbitos:
Territorial: Comunidade Autónoma de Galicia.
Profesional: o Colexio Oficial de Licenciados en Ciencia e Tecnoloxía dos Alimentos de Galicia agruparía aquelas persoas que estivesen en posesión do título universitario oficial de licenciado en ciencia e tecnoloxía dos alimentos establecido mediante o Real decreto 1463/1990, do 26 de outubro, ou título equivalente debidamente homologado.
Asina a solicitude: Manuel Vázquez Vázquez, en calidade de presidente da Asociación de Licenciados en Ciencia e Tecnoloxía dos Alimentos de Galicia (Altaga).
Santiago de Compostela, 8 de febreiro de 2002.
Reyes Carabel Pedreira
Directora xeral de Xustiza