Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos nº 778/2000, sobre salarios, nos que recaeu sentencia en data que, copiada nos particulares necesarios, di así:

«Fallo que, estimando a demanda promovida por Jesús Chans Costa, contra o Instituto Social da Mariña, a Tesourería Xeral da Seguridade Social, a empresa Transportes La Isleta, S.A., a empresa Marítima Guimar, S.L. e a empresa Contenemar, S.A., debo declarar e declaro que o demandante ten dereito a unha pensión do 97,48 por centro sobre unha base reguladora da pensión de xubilación de 288.425 pesetas (1.733,47 euros), en catorce pagas anuais, e con efectos desde o 1-10-1999, condenando as demandadas a estar e pasar pola anterior declaración e as empresas codemandadas Transportes La Isleta, S.A. e Marítima Guimar, S.L. a que constitúan na Tesourería Xeral da Seguridade Social o capital custo de renda necesario para facer fronte á diferencia de pensión que lles corresponda, resultante da dita base reguladora, e ó Instituto Social da Mariña, a que anticipe o aboamento da prestación na contía, forma e efectos económicos correspondentes. E á Tesourería Xeral da Seguridade Social na súa

respectiva responsabilidade.

Notitíqueselles esta resolución ás partes e fágaselles saber que contra ela non cabe ningún recurso.

Así, por esta miña sentencia, da que se unirá certificación os autos orixinais para a súa notificación e cumprimento, xulgando, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Transportes La Isleta, S.A. expido e asino esta cédula na Coruña o 31 de xaneiro de 2002.

A secretaria xudicial

Rubricado