Advertidos erros no texto da dita orde, publicada no Diario Oficial de Galicia nº 40, do 25 de febreiro de 2002, cómpre face-las oportunas correccións:
Na páxina 2.300, na base terceira, punto 1 (requisitos comúns para tódalas quendas de acceso), no seu epígrafe b), engádese o seguinte parágrafo:
-Título de licenciado ou doutor en ciencias biolóxicas e acredita-la súa formación na especialidade de inmunoloxía mediante a formación completa como biólogo interno residente realizada en centros acreditados ou debidamente recoñecidos, logo da superación da proba nacional selectiva que establecen as disposicións vixentes.
Na páxina 2.308, no anexo I, punto 2 (formación), alínea a), onde di: «aspirantes que para a obtención do título de especialista en inmunoloxía cumprisen o período completo como médico interno residente do programa MIR ou ben un período equivalente ...»; debe dicir: «aspirantes que para a obtención do título de especialista en inmunoloxía cumprisen o período completo como médico interno residente do programa MIR, BIR ou ben un período equivalente...».
Nota: esta corrección non altera o prazo de presentación de instancias.
XULGADO DE PRIMEIRA INSTANCIA E INSTRUCCIÓN NÚMERO DOUS
DE CARBALLO