Interposto por Eduardo González Digon e Fernando Manuel Arias González recurso contencioso-administrativo contra resolucións da Secretaría Xeral da Consellería de Medio Ambiente con datas do 9 e 17 de marzo de 2000, desestimatoria dos recursos de reposición interpostos polos recorrentes, impugnando todos e cada un dos actos administrativos consistentes na subscrición de contratos laborais de
carácter temporal para a cobertura de todas e cada unha das prazas vacantes que figuran na resolución da Consellería da Presidencia e Administración Pública da Xunta de Galicia do 27 de decembro de 1999 (DOG do 29 de decembro), polo que se ordena a publicación do acordo do Consello da Xunta de Galicia do 23 de decembro de 1999, polo que se aproba a nova relación de postos de traballo da Consellería de Medio Ambiente; para a contratación para a cobertura de prazas que figuran reservadas a persoal laboral pertencentes ós servicios provinciais de Defensa contra Incendios Forestais, así como ós servicios de Montes e Industrias Forestais.
Intentado o emprazamento como demandado, por medio de carta certificada con xustificante de recepción, a que se refire o artigo 49 da Lei 29/1998, do interesado Alejandro González García, este foi devolto polo servicio de Correos coa observación de descoñecido no domicilio que constaba a esta consellería.
Na súa virtude, emprázase a Alejandro González García para que poida comparecer como demandado nos recursos 37/2001 e 67/2001, acumulados, do Xulgado do Contencioso-Administrativo número un da Coruña, no prazo de 9 días contados a partir do seguinte ó da publicación deste edicto.
Santiago de Compostela, 25 de febreiro de 2002.
José Luis Aboal García-Tuñón
Secretario xeral de Medio Ambiente