1. Entidade adxudicadora: Servicio Galego de Saúde.
a) Dependencia que tramita o expediente: Servicio de Subministracións- Unidade de Contratación.
b) Número de expediente: C.P. 401/2002.
2. Obxecto da contratación.
a) Descrición do obxecto: concesión administrativa de dominio público para o establecemento dunha oficina bancaria e servicio de caixeiro automático no Complexo Hospitalario Arquitecto Marcide-Profesor Novoa Santos de Ferrol.
3. Tramitación, procedemento e modalidade de adxudicación.
a) Tramitación: ordinaria.
b) Procedemento: aberto.
c) Modalidade: concurso.
4. Canon: a cantidade anual mínima que o concesionario deberá aboar será de 5.409,11 euros.
5. Garantías.
Provisional: 1.081,82 euros.
Definitiva: 2.163,64 euros.
6. Obtención de documentación e información.
Os pregos de cláusulas administrativas particulares e demais documentación complementaria estarán á disposición dos concursantes, para o seu exame, tódolos días laborables, agás os sábados, das 9 ás 15 horas, no Servicio de Subministracións do Complexo Hospitalario Arquitecto Marcide-Profesor Novoa Santos de Ferrol; estrada de San Pedro, s/n, 15405 Ferrol (A Coruña). Teléfono: 981 33 40 32. Fax: 981 33 40 84.
7. Requisitos específicos do contratista.
Non se lle esixirá clasificación ó contratista.
A solvencia económica e financeira e a solvencia técnica acreditaranse conforme o recollido nos artigos 16.1º b) e c) do TRLCAP, ambos para a solvencia económica; así como os requisitos previstos nas letras b) e e) do artigo 19 do TRLCAP para a solvencia técnica ou profesional.
8. Presentación das ofertas ou das solicitudes de participación.
a) Prazo de presentación: as proposicións presentaranse antes das 14 horas do décimo quinto día natural a partir do seguinte ó da publicación desta resolución no DOG.
b) Documentación que hai que presentar: a especificada no punto 5 do prego de cláusulas administrativas particulares.
c) Lugar de presentación: rexistro xeral do Complexo Hospitalario Arquitecto Marcide-Profesor Novoa Santos de Ferrol.
d) Prazo durante o cal o licitador estará obrigado a mante-la súa oferta: 3 meses desde a data de apertura de proposicións.
e) Admisión de variantes: ve-lo prego de cláusulas administrativas particulares.
9. Apertura das proposicións.
Será realizado en acto público pola mesa de contratación, na sala de xuntas do citado complexo hospitalario, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura terá lugar o día hábil seguinte.
10. Outras informacións.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax ou telegrama no mesmo día, de conformidade co artigo 100 do Regulamento xeral de contratación do Estado. Sen a concorrencia de ámbolos dous requisitos, non será admitida a proposición se é recibida polo órgano de contratación con posterioridade á data de terminación do prazo sinalado neste anuncio. Transcorridos, con todo, dez días naturais seguintes á indicada data sen ter recibido a mencionada proposición, esta non será admitida en ningún caso.
Os criterios que se seguirán para a adxudicación do contrato son os que se establecen no punto 6.2º do prego de cláusulas administrativas particulares.
11. Gastos de anuncios: o importe do anuncio desta resolución na prensa e nos boletíns oficiais será por conta do adxudicatario ou adxudicatarios.
Ferrol, 30 de xaneiro de 2002.
Pedro Molina Coll
Director xerente do Complexo Hospitalario
Arquitecto Marcide-Profesor Novoa Santos de Ferrol
