En cumprimento do disposto no artigo 2, punto 4, do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro), e durante o prazo de vinte (20) días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude
RESOLVO:
Primeiro.-Someter a información pública, o estudio de efectos ambientais do proxecto de rehabilitación e ampliación da central de Rodela, no río Quiroga.
Segundo.-Para os devanditos efectos informativos, porase á disposición dos administrados, exemplares nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente da provincia de Lugo.
-Concello de Quiroga.
Terceiro.-As alegacións formularanse durante o prazo de vinte (20) días, contados a partir do seguinte día da publicación da presente resolución no Diario Oficial de Galicia.
Santiago de Compostela, 28 de xaneiro de 2002.
José Luis Díez Yáñez
Director xeral de Calidade e Avaliacion Ambiental