Advertidos erros na citada orde, publicada no Diario Oficial de Galicia nº 39, do 22 de febreiro de 2002, cómpre face-las oportunas correccións:
O artigo 5º.-Financiamento, quedará redactado como segue:
«Artigo 5º.-Finaciamento.
Para facer fronte ás obrigas derivadas desta convocatoria existe crédito adecuado e abondo na aplicación orzamentaria 09.60.614A.779.0, por importe de 56.000 euros, do orzamento prorrogado de gastos do Ilgga para 2002».
A disposición adicional única para a ser agora primeira (co mesmo texto) e engádese unha disposición adicional segunda como segue:
«Segunda.-O solicitante poderá acudir individualmente á Axencia Estatal da Administración Tributaria (AEAT) e á Consellería de Economía e Facenda para solicita-la expedición dos certificados acreditativos de atoparse ó corrente das súas obrigas tributarias e de non ter pendente de pagamento ningunha débeda, por ningún concepto, coa Administración pública da Comunidade Autónoma de Galicia ou, se é o caso, cubrir, debidamente asinada, a autorización que figura no devandito anexo nº III, para os efectos de que o Ilgga o poida solicitar por vía informática».