Por Orde do 24 de xullo de 2001 (DOG do 30 de xullo) apróbanse os concertos educativos cos cen

tros docentes privados de educación primaria, educación secundaria obrigatoria, educación especial, programas de garantía social, ciclos formativos de grao medio, ciclos formativos de grao superior e formación profesional de segundo grao.

Tendo en conta os informes das delegacións provinciais correspondentes de que os centros privados concertados Belarmino Fernández Iglesias de Sober (Lugo), Cebem de Vigo (Pontevedra) e San Miguel de Vigo (Pontevedra) non teñen en funcionamento, por falta de alumnado, diversos programas de garantía social.

A Consellería de Educación e Ordenación Universitaria, por proposta da Dirección Xeral de Centros e Inspección Educativa,

DISPÓN:

Primeiro.-Modifica-lo concerto educativo cos centros docentes privados que no anexo da presente orde se relacionan.

Segundo.-Esta orde entrará en vigor a partir do día seguinte ó da súa publicación no Diario Oficial de Galicia.

Contra esta disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 8 de febreiro de 2002.

Celso Currás Fernández

Conselleiro de Educación e Ordenación Universitaria

ANEXO

Provincia: Lugo

Concello: Sober.

Centro: Belarmino Fernández Iglesias.

Código de centro: 27011718.

Redúceselle 1 unidade do programa de garantía social Axudante de cociña e restauración, con efectos económico-administrativos do 1 de setembro de 2001.

Provincia: Pontevedra

Concello: Vigo.

Centro: Cebem.

Código de centro: 36013795.

Redúceselle 1 unidade do programa de garantía social Servicios auxiliares de oficina, con efectos económico-administrativos do 1 de novembro de 2001.

Concello: Vigo.

Centro: San Miguel.

Código de centro: 36011348.

Redúceselle 1 unidade do programa de garantía social Auxiliar de axuda no domicilio e residencias asistidas, con efectos económico-administrativos do 1 de outubro de 2001.

CONSELLERÍA DE POLÍTICA AGROALIMENTARIA E

DESENVOLVEMENTO RURAL